U3F1ZWV6ZTQ4MDMyNjgwNjY1NF9GcmVlMzAzMDMxNjgzNjQz

برودة الأطراف وزرقانهم فى الشتاء





برودة الأطراف وزرقانهم فى الشتاء 
لازم تعرف شئ مهم جدا ان للدم وظائف محدده فى الطب زى الدفاع عن جسمك من الإعداء عشان فيه كرات الدم البيضا و الأجسام المضادة و المحافظة على وقف النزيف و بيعتبر مسكن للخلايا عارف السمكة اللى عايشة فى الميه أهوه الدم بالنسبة للصفائح الدموية وكرات الدم الحمرا و البيضا زى بالظبط البحر و الخلايا دول السمك .
واحد من أهم وظائف الدم هوه نقل الحرارة إن ضعفت الدورة الدموية ضاعت الحرارة و بدأت تظهر علامات البرد الشديدة وقصور الدورة الدموية اللى بتشوفه على بعض الأشخاص فى الشتاء وخاصة كبار السن و مرضى تصلب الشرايين الطرفية اللى بالفعل شرايينهم مسدودة ومتصلبة .
شوف هناك ٣ أسلحة تتسلح بهم فى البرد عشان قصة برودة الإطراف الرخمة دى متحصلكش أصلا :
١- الزنجبيل :
الزنجبيل بغض النظر إنه منشط الدورة الدموية الطرفية وفعال جدا فى ذلك ومنع تلك الأعراض كلية إلا انه ممتاز كمان كمقوى عام و للذكورة جرب تمشى على كوب كل يوم وبعد اسبوعين قولى ايه الأخبار .
٢- الشطة والخردل :
اتفقنا اننا عندنا صوصات شريرية الكاتشب والمايونيز وعندنا صوصات صحية الخردل والشطة دول بقا ياباشا دوس فيهم فى البرد هيدوك نشاط وقوة و حرارة ومش بس كده دا كمان هيخليك تقوم من النوم كعلاج لكسل الشتاء .
٣- الجنكو :
أغلب الصيدليات بكل دول العالم فيها الجنكو ود ممتاز جدا لتنشيط الدورة الدموية الطرفية ومنع الجلطات .
شير لغيرك ناس كتير بتتعذب فى البرد ورجليهم بتورم وتزرق وميعرفوش ان الموضوع ان شاء الله بسيط بالزنجبيل .
دمتم بصحة ❤️
الدكتور أحمد أبو النصر
ليست هناك تعليقات
إرسال تعليق

إرسال تعليق

الاسمبريد إلكترونيرسالة